Tez-tez verilən suallar

Question 1

Elan yerləşdirmək pulludur?

Accepted Answer

Xeyr, elan yerləşdirmək tamamilə pulsuzdur. Pul yalnız elanı irəli çəkmək istəyəndə (İrəli çək, Premium, VIP) və ya Avtera Plus abunəliyi üçün ödənilir.

Question 2

Elanım niyə siyahıda görünmür?

Accepted Answer

Yeni elan dərhal dərc olunur, ancaq siyahı tarix sırası ilə düzüldüyü üçün sonrakı elanlar onu aşağı sıxışdırır. Elanı «Satılıb» kimi işarələmisinizsə və ya vaxtı bitibsə də görünməyəcək. Vəziyyətini «Profil → Elanlarım» bölməsindən yoxlaya bilərsiniz.

Question 3

Elanı necə redaktə edir və ya silirəm?

Accepted Answer

«Profil → Elanlarım» bölməsində hər elanın yanında «Redaktə» düyməsi var. Maşını satmısınızsa «Satılıb» düyməsinə basın, elan arxivə keçəcək və axtarışda görünməyəcək.

Question 4

Neçə şəkil əlavə edə bilərəm?

Accepted Answer

20-yə qədər şəkil əlavə edə bilərsiniz. Telefondan çəkilmiş böyük şəkillər də tez yüklənir, çünki fayllar göndərilməmişdən qabaq brauzerinizdə avtomatik yüngülləşdirilir. Birinci şəkil elanın üz qabığı olacaq.

Question 5

Şəkillərimin üstündəki avtera.az yazısı nədir?

Accepted Answer

Elan səhifəsindəki böyük şəkillərin ortasına solğun nişan qoyuruq ki, şəkilləriniz icazəsiz başqa saytda işlədiləndə mənbəyi görünsün. Yüklədiyiniz orijinal fayla isə toxunulmur.

Question 6

Yeni elanlardan necə xəbər tuta bilərəm?

Accepted Answer

Telegram kanalımıza qoşulun (t.me/avtera_az), hər yeni elan dərc olunan kimi orada avtomatik paylaşılır. Konkret model axtarırsınızsa, kataloqda həmin modelin səhifəsində bildirişi açın, elan çıxan kimi sizə xəbər verəcəyik.

Question 7

Maşınımın yerini xəritədə göstərə bilərəm?

Accepted Answer

Bəli, bu tamamilə sizin istəyinizdən asılıdır. Elanı yerləşdirərkən və ya redaktə edərkən şəhərin altındakı «Konumumu paylaş» düyməsinə basın, brauzer sizdən konum icazəsi soruşacaq. Yanına qısa ünvan qeydi də yaza bilərsiniz, məsələn «Nərimanov, Atatürk pr.». Konum paylaşdığınız elan həm öz səhifəsində xəritə ilə görünür, həm də «Xəritədə axtar» bölməsinə düşür. Dəqiq ev ünvanınızı göstərmək istəmirsinizsə, yaxın küçədən paylaşın. Konumu istədiyiniz vaxt silə bilərsiniz.

Question 8

Satıcı ilə zəng etmədən necə danışım?

Accepted Answer

Elan səhifəsində satıcı kartındakı «Mesaj yaz» düyməsinə basın, yazışma açılacaq və mesajınız satıcıya dərhal çatacaq. Cavabı «Profil → Mesajlar» bölməsində və ya hər səhifənin sağ aşağısındakı söhbət qutusunda oxuya bilərsiniz. Mesajlaşmaq tamamilə pulsuzdur.

Question 9

Yeni mesajdan necə xəbər tuturam?

Accepted Answer

Yuxarıdakı mesaj nişanının üstündə oxunmamış mesajların sayı görünür və yeni mesaj gələndə səhifəni yeniləmədən dəyişir. E-poçtunuza və ya nömrənizə bildiriş göndərmirik, mesajları sayta girəndə görürsünüz.

Question 10

Yazışdığım adam məni narahat edir, nə edim?

Accepted Answer

Söhbətin yuxarısındakı bayraq düyməsinə basıb səbəbi seçin (spam, fırıldaqçılıq, təhqir). Şikayətinizi qarşı tərəf görmür. Moderatorlar yazışmaya baxacaq və pozuntu təkrarlanarsa, həmin hesab məhdudlaşdırılacaq.

Question 11

Mesajda beh və ya ilkin ödəniş istəyirlər, bu normaldır?

Accepted Answer

Xeyr. Maşını öz gözünüzlə görmədən heç kimə pul göndərməyin, çünki bu, ən çox rast gəlinən fırıldaq üsuludur. Avtera ödənişlərin tərəfi deyil və heç bir işçimiz sizdən beh istəməz. Belə mesaj gəlsə, dərhal şikayət edin.

Question 12

İrəli çək, Premium və VIP arasında fərq nədir?

Accepted Answer

İrəli çək elanınızı yenidən siyahının başına qaldırır. Premium alsanız, elanınız rəngli çərçivə və nişan alır, üstəlik ana səhifədəki «Premium elanlar» karuselinə düşür. VIP isə elanı bütün siyahılarda ən yuxarıda, VIP nişanı ilə göstərir. Üçü də elanın siyahıdakı yerinə təsir edir, məzmununa yox.

Question 13

Balansı necə artırıram?

Accepted Answer

«Profil → Balans» bölməsindən bank kartı ilə artırırsınız. Məbləğ balansınıza köçdükdən sonra paketləri bir kliklə ala bilərsiniz və hər dəfə kart məlumatlarını yazmağa ehtiyac qalmır.

Question 14

Paketin pulunu geri ala bilərəm?

Accepted Answer

Paketi işə saldıqdan sonra istifadə etdiyiniz günlərin pulu geri qaytarılmır. Texniki səbəbdən paket ümumiyyətlə işləməyibsə dəstəyə yazın, məbləği balansınıza qaytaracağıq.

Question 15

Avtera Plus nə verir?

Accepted Answer

Süni intellekt köməkçisi Əli ilə limitsiz danışa bilirsiniz, ayda 5 dəfə pulsuz irəli çəkmə haqqınız olur, qiymət radarı açılır və profilinizdə Plus nişanı görünür. Abunəlik avtomatik yenilənmir.

Question 16

Biznes səhifəm üçün də paket var?

Accepted Answer

Bəli. Usta, avtosalon və ehtiyat hissələri səhifələri üçün ayrıca İrəli çək, Premium və VIP paketləri var, onları alanda səhifəniz öz bölməsinin siyahısında yuxarı qalxır.

Question 17

Dost dəvət edəndə nə qazanıram?

Accepted Answer

«Profil → Dost dəvət et» bölməsində sizə aid kod və hazır link var. Dostunuz həmin linklə və ya kodunuzu qeydiyyat formasında yazaraq qeydiyyatdan keçəndə 3 ₼ balansınıza düşür, sonra dostunuz balansını bank kartı ilə artırdıqca hər dəfə məbləğin 10%-i sizə gəlir. Kod yalnız qeydiyyat anında qəbul olunur, əvvəldən mövcud olan hesaba yazıla bilmir. Bir dostdan yığılan faizin ümumi tavanı 100 ₼-dır.

Question 18

Dəvət etdiyim adam bonus kod işlədəndə mənə faiz gəlirmi?

Accepted Answer

Xeyr. Faiz yalnız bank kartı ilə edilən əsl ödənişdən hesablanır. Bonus kodla, dəvət bonusu ilə və ya dəstəyin etdiyi düzəlişlə artan balansdan faiz gəlmir. Öz kodunuzu özünüz işlədə bilməzsiniz, saxta hesablarla yığılan bonuslar isə geri alınır və hesab dayandırılır.

Question 19

Necə qeydiyyatdan keçirəm?

Accepted Answer

Telefon nömrənizi yazırsınız, SMS ilə gələn kodu təsdiqləyirsiniz və hesabınız hazır olur. Parol yaratmağa ehtiyac yoxdur.

Question 20

Biznes hesabı ilə şəxsi hesab arasında fərq nədir?

Accepted Answer

Şəxsi hesab maşın alıb-satmaq üçündür. Biznes hesabı açsanız (usta, avtosalon və ya ehtiyat hissələri mağazası), saytda sizə ayrıca səhifə verilir. Qeydiyyatda cəmi 3 sahə doldurursunuz, səhifəniz isə moderasiyadan keçəndən sonra saytda görünür.

Question 21

Bir hesabla neçə biznes aça bilərəm?

Accepted Answer

10-a qədər aça bilərsiniz. Məsələn, iki avtosalonu və bir ehtiyat hissələri mağazasını eyni hesabdan idarə edə bilərsiniz. Yeni biznesi «Profil → Redaktə» səhifəsindəki «Biznes əlavə et» düyməsindən açırsınız.

Question 22

Biznes səhifəmi necə dəyişirəm?

Accepted Answer

Öz səhifənizə girin, dolu bölmələrin yanında karandaş nişanı, boş bölmələrin yerində isə «+ əlavə et» düyməsi görəcəksiniz. Profil şəklini və banneri onların üstündəki kamera düyməsi ilə dəyişirsiniz. Bu düymələri yalnız siz görürsünüz.

Question 23

Elanı salonumun adından necə yerləşdirim?

Accepted Answer

Salonunuz təsdiqlənibsə, «Elan yerləşdir» səhifəsinin ən başında «Elan kimin adından yerləşdirilsin?» sualı çıxacaq. Orada şəxsi hesabınızı və ya salonlarınızdan birini seçirsiniz.

Question 24

Hesabımı necə silirəm?

Accepted Answer

«Profil → Profili redaktə et» səhifəsinin sonundakı «Profili sil» düyməsi ilə. Hesab dərhal silinmir, 30 gün gözləyir: elanlar satışdan çıxır, profil gizlənir. Bu müddətdə geri girsəniz, profil də, elanlar da bir düymə ilə qayıdır. 30 gün keçdisə, hesab bütün məlumatları ilə birdəfəlik silinir və həmin nömrə ilə təzə hesab açılmır.

Question 25

Saxta elana rast gəldim, nə edim?

Accepted Answer

Elan səhifəsindəki «Şikayət et» düyməsinə basıb səbəbi seçin. Hər şikayətə baxırıq, təsdiqlənsə elan silinir, pozuntu təkrarlanarsa həmin hesab bağlanır.

Question 26

Niyə mənə beh tələb edən adamlar yazır?

Accepted Answer

Bu, klassik fırıldaqdır. Maşını görmədən və sənədləri yoxlamadan heç kimə pul göndərməyin, nə beh, nə də «saxlama haqqı» adı ilə. Ətraflısı «Təhlükəsiz alqı-satqı» səhifəsindədir.

Question 27

Nömrəm hamıya görünür?

Accepted Answer

Xeyr. Nömrəniz yalnız istifadəçi «Nömrəni göstər» düyməsinə basanda açılır, beləliklə nömrələri avtomatik yığan robotların qarşısını alırıq.

Tez-tez verilən suallar

Elanlar

Mesajlaşma

Paketlər və ödəniş

Hesab

Təhlükəsizlik

Cavabı tapmadınız?

Tez-tez verilən suallar

Elanlar

Mesajlaşma

Paketlər və ödəniş

Hesab

Təhlükəsizlik

Cavabı tapmadınız?