İstifadə qaydaları

1Ümumi müddəalar

Avtera (avtera.az) avtomobil, motosiklet, ehtiyat hissəsi və əlaqəli xidmətlərin elan edildiyi onlayn platformadır. Saytdan istifadə etməklə bu qaydalarla razılaşmış sayılırsınız.

Platforma alqı-satqının tərəfi deyil, çünki müqavilə birbaşa alıcı ilə satıcı arasında bağlanır. Avtera sadəcə alıcı ilə satıcını bir araya gətirir.

2Hesab və qeydiyyat

Elan yerləşdirmək, seçilmişləri yadda saxlamaq və biznes səhifəsi açmaq üçün hesab lazımdır. Hesabı telefon nömrənizlə açırsınız.

• Hesabınızda görülən işlərə görə siz cavabdehsiniz, ona görə nömrənizə gələn təsdiq kodunu heç kimlə paylaşmayın.
• Saxta məlumatla və ya başqasının adına hesab açmaq olmaz.
• Qaydaları pozan hesabı xəbərdarlıq etmədən məhdudlaşdıra və ya bağlaya bilərik.

3Elana tələblər

Elanı paylaşmadan qabaq yazdığınız məlumatların doğruluğunu yoxlayın. Qaydaları pozan elanlar silinir və bu, sizin cərimə balı almağınıza səbəb ola bilər.

• Qiymət real olmalıdır, diqqət çəkmək üçün maşını olduğundan ucuz göstərmək qadağandır.
• Şəkillər satdığınız maşının özünə aid olmalıdır, internetdən götürülmüş şəkillər qəbul edilmir.
• Yürüşü, ili, mühərriki və maşının vəziyyətini (vurulub, rənglənib) gizlətmək olmaz.
• Bir maşın üçün eyni vaxtda yalnız bir aktiv elan verə bilərsiniz.
• Oğurlanmış, sənədsiz və ya üzərinə məhkəmə qadağası qoyulmuş maşını elana çıxarmaq qadağandır.

4Qadağan olunan davranış

Aşağıdakıları edən hesab dərhal bağlanır:

• Saxta elan, fırıldaq və ya beh/ilkin ödəniş adı ilə pul tələb etmək.
• Başqa istifadəçilərin şəxsi məlumatlarını yığmaq və ya onları reklam üçün işlətmək.
• Saytın işinə texniki müdaxilə etmək, kütləvi avtomatik sorğular göndərmək və ya məzmunu icazəsiz kopyalamaq.
• Təhqir, hədə və ya nifrət dolu mesaj və rəy yazmaq.

5Ödənişli paketlər və balans

Elan və biznes səhifələri üçün ödənişli paketlər (İrəli çək, Premium, VIP), bir də Avtera Plus abunəliyi var. Ödəniş profil balansınızdan çıxılır, balansı isə bank kartı ilə artırırsınız.

Paketlər elanın siyahıdakı yerinə təsir edir, məzmununa yox. Baxış, zəng və ya satış sayına zəmanət verilmir.

• Paketi işə saldıqdan sonra istifadə etdiyiniz günlərin pulu geri qaytarılmır.
• Elanınız qaydaları pozduğu üçün silinərsə, paketin qalan müddətinin pulu ödənilmir.
• Abunəlik avtomatik yenilənmir, müddət bitəndə sizdən heç bir yeni ödəniş tutulmur.
• Texniki səbəbdən paket işləməyibsə dəstəyə yazın, məbləği balansınıza qaytaracağıq.
• Dəvət proqramından gələn bonus və faiz yalnız saytdakı xidmətlərə xərclənir, nağd şəkildə geri ödənilmir.
• Dəvət faizi yalnız bank kartı ilə edilən əsl ödənişdən hesablanır, bonus kodla və ya düzəlişlə artan balansdan hesablanmır.
• Saxta hesab açaraq və ya özünü dəvət edərək bonus yığmaq qadağandır, belə hallarda bonus geri alınır və hesab dayandırılır.

6Məsuliyyətin məhdudlaşdırılması

Elanların məzmununa görə onları yerləşdirən istifadəçilər cavabdehdir. Biz elanları moderasiyadan keçirsək də, hər birinin doğruluğuna zəmanət verə bilmirik.

Alqı-satqı zamanı yaranan zərərə və tərəflər arasındakı mübahisələrə görə platforma məsuliyyət daşımır. Maşını almamışdan qabaq sənədləri və texniki vəziyyəti mütləq yoxlayın.

7Qaydaların dəyişdirilməsi

Qaydalar yenilənə bilər və ciddi dəyişiklikləri saytda elan edirik. Yenilikdən sonra saytdan istifadəni davam etdirsəniz, yeni qaydalarla razılaşmış sayılırsınız.

Suallar üçün: info@avtera.az